OARSOirriak
OarsoIrriak, herriak sortu eta biziko duen aisialdiaren aldeko apustua egiten du. Sortutako ekimenak, modu herrikoi eta parte-hartzailean lantzen dira, auzolana uztartuz. Euskara, parekidetasuna, ingurugiroarekiko begirune, elkarkidetasuna… dira gure oinarriak. Aisialdiak inguruarekin duen erlazioa mimozhartzen da kontutan, garapen pertsonal zein kolektibo baten ikuspuntutik.
Zatoz IRRIbaratzea ezagutzera
Zatoz Arramendiko IRRIBARATZEA EZAGUTZERA
Baratzean landaketa eguna
Ekainaren 2an, ostiralez, 17:30etan
Arramendiko txabolan (Errenteria-Orereta)
Irribaratzeko proiektuaren helburua gurasoek eta haurrek baratzeko auzolanean gozatzea eta naturatik ikastea da. 
Gonbidatua zaudete ekainaren 2an burutuko den udaberriko landaketa irekira. Irribaratzea ezagutzeko aukera izango duzue, landaketan parte hartu eta oinarrizko prestakuntza bat jaso. Bukatzeko mokadu txiki bat eskainiko da.
Hemen daukazue azkeneko lau urteetan egindako lanketa laburbiltzen duen bideoa
Baratzeko proiektuan parte hartzen animatzen diren familien artean Irribaratzeko auzolana adostuko genuke, txanda sistema eroso bat adostuta: familiak multzoka antolatuta, familia talde bakoitza hilean behin edo bitan baratzera joateko konpromisoa eskatuko da. Noizean behin familia guztiok elkartzeko saioak ere izango dira, lana eta jarana uztartzeko asmoz.
Etorri familian Irribaratzearekin gozatzera!
Ekainaren 2an, ostiralez, 17:30etan Arramendiko txabolan
Informazio gehiago: oarsoirriak@gmail.com
OARSOirriak 