OARSOirriak
OarsoIrriak, herriak sortu eta biziko duen aisialdiaren aldeko apustua egiten du. Sortutako ekimenak, modu herrikoi eta parte-hartzailean lantzen dira, auzolana uztartuz. Euskara, parekidetasuna, ingurugiroarekiko begirune, elkarkidetasuna… dira gure oinarriak. Aisialdiak inguruarekin duen erlazioa mimozhartzen da kontutan, garapen pertsonal zein kolektibo baten ikuspuntutik.
Irribaratzea!
2013an, Oarsoirrien ekimenaren barruan, haurrok eta gurasook aukera izan genuen udal baratze ekologiko eta sozialen parkean lursail bat lantzeko.
Irribaratzea proiektua jarri genuen martxan, eta denon artean erabaki genuen auzolanean eta belaunaldi desberdinen artean lurra lantzea.
Egutegi bat adostuta dugu, familiak taldeka Irribaratzea lantzera joateko. Lurraren prestaketa lanak eta udako eta neguko landaketak egiten ditugu; uzta jaso eta baratze parkearen zeregin batzuetan ere kolaboratzen dugu; irudimenari esker txori-onen jarduera burutu genuen… Jardueratan familion eta kideon tempoak begirunez errespetatzen dira, eta elkartasun giroa dago ekintzetan zein uzta banaketan.
Irribaratzea Arg: Mendi Urruzuno
Horri esker, hiru urte daramagu herriko proiektu batean parte hartzen, beste bizilagun askorekin batera. Naturaren, lurraren eta auzolanaren fruituak jasotzen ditugu aiton-amonen, gurasoen eta seme-alaben artean. Gainera, lagun harremanak egin, hizkuntza elikatu eta gure taldea baino handiagoa den zerbaiten parte sentitzen gara.
Proiektuan parte hartu nahi edo interesa izanez gero idatziguzu oarsoirriak@gmail.com helbidera.
OARSOirriak 
Pingback-a: Lurgintza ekologikoa auzolanean | Axala