Ideien festa Pasai Antxon (Pasaia)

Azaroaren 21ean, Pasaiako familiak Antxoko Ibaiondo frontoian elkartu ginen.

Gure helburua 2016 urterako Pasaiako aisialdi egitaraua osatzea izan zen.

Eguraldi fresko eta euritsuak ez zituen gure txikienen buruak hotzak utzi. Kalean euri zaparrada ari zuen, baina Antxoko frontoi barruan ere, ideia zaparrada ederra izan genuen! Familiak barrutika banatu ginen eta haurrek hitza hartu zuten. Beraien herrian ondo pasatzeko zer egin nahi zuten pentsatu, esan eta plastilinarekin irudikatu zuten ondoren. Artelan politak egin genituen, bai horixe!

Proposamen guzti horiek elkarbanatu eta barruti bakoitzean bi edo hiru ekintza aukeratu genituen familiek. Zehazki, honako ideiak nagusitu ziren.

Antxon:

• Dantzaldia
• Txotxongilo eta buruhandi tailerra

San Pedro eta Trintxerpen:

• Umeentzako taberna
• Pelotari baten bisita jaso eta pelotan ikasi
• Baratza egin familian

Donibanen:

• Atletismo pista Donibanen
• Kalaburtzan igerilekua

Ekintza horietako bakoitza zein hilabetetan egingo genuen ere pentsatu genuen. Horrela, urte osorako Pasaiako aisialdi egitarau osatu genuen.

Ekintzak pentsatu eta adosteaz gain, ekintza horiek antolatzeaz nor arduratuko zen hitz egin genuen. Haurrek, zein ekintzaren antolaketan parte-hartu nahi zuten pentsatu, eta batean edo bestean, arduradun bezala eman zuten izena.

Lehenengo ekintza urtarrilean izango dugu. Trintxerpe-San Pedron pelotari baten bisita jasoko dugu eta pelotan jolasean arituko gara. Egun hori noiz iritsiko irrikitan gaude!

Utzi erantzun bat Utzi erantzuna

Sartu hemen zure erantzuna...

Fill in your details below or click an icon to log in:

E-posta (beharrezkoa) (Address never made public)

Izena (beharrezkoa)

Webgunea

You are commenting using your WordPress.com account. ( Log Out /  Aldatu )

You are commenting using your Facebook account. ( Log Out /  Aldatu )

Ezeztatu

Connecting to %s

Notify me of new comments via email.

Posta berriak daudenean posta elektroniko bidez ohartarazi.

Δ