OARSOirriak
OarsoIrriak, herriak sortu eta biziko duen aisialdiaren aldeko apustua egiten du. Sortutako ekimenak, modu herrikoi eta parte-hartzailean lantzen dira, auzolana uztartuz. Euskara, parekidetasuna, ingurugiroarekiko begirune, elkarkidetasuna… dira gure oinarriak. Aisialdiak inguruarekin duen erlazioa mimozhartzen da kontutan, garapen pertsonal zein kolektibo baten ikuspuntutik.
[Bizipena] Amon-aitonen ukenduak tailerra (Errenteria-Orereta)
Uztailaren 3an 3 belaunaldi bildu ginen. Ekainean egindako sendabelarren bilketaren ondorengo saioa zen hau. Naturarekiko begirunea, jakin-mina, herriko jakintza zaharrak eta konpartitzeko desioa elkartu gintuen. Mahai baten inguruan hasieran eta ondoren suaren ondoan Lesmes Gorrotxategi amonaren ukendua nola gauzatu ikasi genuen.
Hasierako azalpen eta lanen ondoren bertaratutakoak haien jakintza eta esperientzia konpartitzen hasi ziren.
Aiton-amonen ukenduak tailerra – Hasierako azalpenak
Haurren inplikazioa
Poliki belarrak mozten
Belarrak mozten
Intsusaren 2. azala lortzen
Konpartitzen
Belarrak prest
Banaketa
Sukaldeko lana
Amonari ilusio handia egingo zion bere ukenduaren sekretuak jendearekin konpartitzea. Hau bera eta herriko jakintza konpartitzeko prest dauden herriko amon-aitonen omenezko ekintza bat izan da. Mila esker izateagatik!
Aiton-amonen ukenduak tailerra
Urki (6 urte) Oso ongi pasa dugu etxean berriro egingo dugu!!!
Mertxe (60 urte) Eskerrik beroenak arbasoei jakinduria transmititu eta ondorengo belaunaldiei pasatzeko aukera eman digutelako. Eskerrak, halaber,haien borondate eta lan gogorrari esker errezetan bildu eta bizirik mantentzen dituztenei.
Lierni (40 urte) Jakin-mina nabaria zen denongan, kanpoan kixkaltzen presko eta giro eta giro ederra barruan. Amona sorta ederra!! haurrak nonahi!! eta gizonak sukaldean kontukontari!!
Nara (7 urte) Noiz egingo dugu sendabelarren hurrengo tailerra?
Nora (38 urte) Lurrak gordetzen du zoriontsu bizitzeko behar dugun guztia. Emozioak orekatzeko ahalmena dauka eta horrek osasuna ematen digu. Beste aldera begiratzea baino adi egotean dago gakoa.
Esker mila Urdaburu Mendi Elkarteari tailerra egiteko bere egoitza uzteagatik.
Errenteria-Oreretako OarsoIrriak
OARSOirriak 