2025eko Madalenetako Txupinazo Txikian parte hartzeko deialdiak

Haurren jai batzordeak bere lanketa egin zuen. Mila esker bertaratu zineten haur eta familia guztioi! 

Orain, Txupinazo Txikiko prestaketaren txanda da. Haurren Txupinazoaren baitan ekintza desberdinak daude, eta bakoitzaren lanketa momentu desberdin batean egingo da. Antolakuntzan laguntzen aldera, parte hartu nahi duten haurrek izena eman behar dute. Jarraian, ekintza bakoitzaren inguruko informazioa adieraziko dugu. Beraz ongi begiratu eta ziurtatu prestaketa egiten den egun eta ordu guztietara etorri daitezkeela etxeko txikiak. 

ADI! izena emateko azken eguna EKAINAREN 23a da (behean daukazue esteka).

BATUBURRUNBAren erritmoen prestaketa

Haur eta familientzako jarduera da hau. Zumarditik Txupinazo Txikirako BATUBURRUBAren kalejira Odei Astibira musikariarekin batera gidatzeko aukera dago. Erritmoekin jolastea, batukada eta kalejirak gustatzen bazaizkizu, hemen duzu aukera bikaina!

Dantza

Txupinazo txikiak ere badu dantzarako tartea. Dantzatzea gustuko baduzu, hau da zure lekua. Izena emateko garaian gustuko dituzun 3 kanta jarri behar dituzu, eta entseguen egunean emango da dantzatuko den kantaren berri. 

• Egunak: Uztailaren 9 eta 16a (asteazkenak)
• Ordua: 17:00 (ordu bateko iraupena)
• Lekua: Reyna aretoa

Pregoiaren prestaketa eta kantatzea

Txupinazo txikiaren pregoian edo txupinazoaren ondoren Irria Harro kanta kantatu nahi baduzu, hau da zure lekua. 

• Egunak: Uztailaren 9 eta 16a (asteazkenak)
• Ordua: 18:15 (ordu bateko iraupena)
• Lekua: Reyna aretoa.

Txupinazo txikiko ekintzetan izena HEMEN egin klik

Familiei informazio hau etxeko txikiekin partekatzea eskatzen diegu, jaietan ere haien zatitxo bat egon dadin eta haurren ideiekin guztiok goza dezagun! Edozein zalantza edukiz gero, idatzi oarsoirriak@gmail.com helbidera.