Mila koloreko lehen txupinazo txikia MILA ESKER!! (Errenteria-Orereta)

Udaberrian Oarsoirrien ideiari erantzunez, herriko haurrek eta gaztetxoek ilusio handiz landu eta adostu zituzten Madalenetarako proposamenak.

Haurren Jai Batzordea – Bilkurak (argz. Mikel Azkarate)

Murala apaintzeko marrazkiak (argz. Mikel Azkarate)

Muralaren prestaketa (argz. Nora Barroso)

Hori horrela, haien ametsetako jaiak gauzatzeko asmoz, haurrek Mila koloreko lehen txupinazo txikia ospatu dute uztailaren 21ean.

Madalen bezperan, 16:30etan, batuburrunba egin zuten Gamon zumarditik Koldo Mitxelena plazara (Esmalteria), Zo Zongo perkusio taldeak lagunduta. Aurretik etxean prestatutako perkusio instrumentuak eraman zituzten haurrek.

Batuburrunba (argz. Nora Barroso)

 Ondoren, 17:30etan, Esmalterian Mila koloreko txupinazo txikia ospatu zuten, kanoi txikiekin koloretako konfetiak erabiliz, puxika koloredun erraldoiak botaz.

Mila koloretako txupinazo txikia  (argz. Mendi Urruzuno)

Mila koloretako txupinazo txikia – Murala (argz. Nora Barroso)

Herriko haurrei eta beren familiei ilusioz parte hartu izana eskertzen diegu oarsoirriok, bai eta datorren urtean Madalenetako txupinazo txikian haurrei protagonismoa itzultzen laguntzeko eskatu ere.

Prozesua iruditan ikusi nahi baduzue klik egin hemen